الرئيسية
يا ناس إن كان لشعر أساسيات
فأنا لي حبيبن ما تعرفونه
له عندي باقه غلات
وغلاته عندي موزونه
على بحر الحب والحيات
دونه شقى عذاب دونه
غلاته قاف غلاته ذات
مستواها أبد ما توصلونه
لو تشبهونه ..بكل العادات
غلاه عندي نجم ما تلمسونه
مغرور كبريائي كل الصفات
بس بالغدر أبد ما تشوفونه
آدري يطول الغيبات
بس يرجع والوله بعيونه
آحبه..آحبه بكل الحالات
بفرحته وحتى لو بشجونه
تكفون أوصيكم وصات
قلبه يا ناس لا تجرحونه
ما أبيه يعاني معانات
خلوه يفرح ..لا تلومونه
آنا آحبه أفهمو هالكلمات
آحبه موووت ولحبه فنونه
و أدعي له بكل صلات
ربي يحفظه لي ويصونه
شوصف أكثر بهالأبيات
أقول أنا بحبه ::مجنونه::
ولا أوصفه بسكات
وخلي الناس عني ما يسألونه
